Piepke 27

 
no ad

Embed or link this publication

Description

Piepke 27

Popular Pages


p. 1



[close]

p. 2



[close]

p. 3



[close]

p. 4

‘t Piepke 2

[close]

p. 5

‘t Piepke Ich dink det ich niks te vuël zek, as ich heejmei besjriéf wie de Tegelse gangmaekerkes zich oppe buun gevuld zulle hebbe beej ôs iërste Tegelse Jeugprinsetreffe. ‘t Niej evenement woëmei weej aafgeloupe jaor ôzze Veurpreuversbál äopende en vur-al ouch de kinger ein eige plek in ’t Witte Hóes van Tegele hebbe gegaeve. Get wiejer in dit Piepke zult geej heej vul mier euver laeze. Net zoë wie versjillende angere ôngerwerpe euver de jeugvastelaovend, want ouch al hebbe weej zelf gennen eige jeugprins, weej drage de jeug aeve zoë good ein hiel werm hert toe. Det dìt den ouch de roëje draod door ‘t Piepke zal zien, duit mich as vader van twië jônge vastelaovesgekke biëstig good. Ouch de wiés woë op weej same met ôs zustervereiniginge ’t Witte Hóes hebbe ge-äopend, is mich beej gebleve. Sjouwer aan sjouwer, same ’t niej Tegels ‘volksliedje’ galdere. Vur mich ein ‘kiepevél-moment’ en nag ens ’n bewiéhs det de ôngerlinge bank sjtiëds sjterker wuërd. Wat mich persuënlik waal aan ‘t hert geit, is wie ‘t nôw in ôs kwekvorslendje d’r aan toe geit. De crisis helt ôs al maonde bezig. Of ‘t ing in zich is, dörf nemes te zegke, maar vuël bedriéve geit ‘t momenteel neet vur de wink en vuël minse merke det ôngertösse ouch aan eure eigem buul. Ich haop aevel det de vastelaovend heej neet te zier ônger zal lieje. Vur-al ömdet ’t ouch ’n belangriéke óetlaotklep is vur de dagelikse zörg. Wat in idder geval neet naogelaote haet, is ’t enthousiasme woëmei weej wir met ôs ganse vereiniging de aafgeloupe maonde in de waer zien gewaes öm alle nuëdige veurbereidinge te treffe vur ‘t niej seizoen. Ich bön den ouch zoë sjtols wie ‘ne pauwhaan öm dees vastelaoveskèr mei te meuge trekke en zoë jidderein sjtrakkes de meugelikheid te gaeve öm alle zörg efkes aan de kank te sjuve en te genete van de joeks, lol en plezeer dae beej de vastelaovend huërt. As ich as veurzitter wiejer truuk kiék nao ‘t aafgeloupe jaor, den dörf ich met ‘n gerös hert te zegke, det weej wir ein grandioos jaor hebbe gehad met ôs Trio, Prins Rob II en zien adjudante Frank & Luuk. Wat hebbe die de Beerpiëp-kèr waerdig ‘laote rolle’ en zien zeej ôs daomet allemaol op sjitterende wiés veurgegáon. Maar neet allein Prins Rob haet beej ôs vur-op geloupe. Beej ut Coëbacabana – in ein waord ‘nen heerlikken aovend - woort ôzze Áad-vors Wil as Prins Coëba óetgerope. Wil Soepboer, dae onnag ens dit jaor beej ôs interne seizoenäopening gehuldig is vur zien elf jäorig lidmaatsjap.Ouch de werme reacties op de óetreiking van de Pannekletser aan nemes minder as miene veurgenger Twan Driessen, deje ôs as vereiniging erg good. Zoë ouch ‘t enthousiasme woëmei ‘t Cambrinusgilde ôntvange woort. Maar leefs 40 (!) minse hebbe zich as Cambrinuslid aangemeld en drage daomet eur verbôngenheid met ôs vereiniging óet. Beej deze wil ich eur nag ens van herte welkom heite in ôs midde! Toet besjlóet kiék ich netuurlik vur-al ouch wie ’t beej ôs achter de sjerme geit. En den bön ich opniej gruëts op wat ich zeen. Niej kemissies, zoë wie ôs jubileumkemissie, dreie op volle toere, en ouch ôzze nieje secretaris en Chef du Protocol hebbe euren drei gevônge. Heej óet bliek wir ens ‘t geveul wat ich vanaaf mienen iërste Beerpiëpdáag heb gehad: ‘Wat zien d’r toch vuël minse die ‘n trint al eure vrejen tiéd en passie in de Beerpiëp sjtaeke!’. Maar ich wil neet te lang truukblikke en lever met uch vur-óet kiéke. Det wil ich neet dóon door ôzze Vors Marcel ‘t gráas vur de veut weg te meie, maar door same met uch de blaar öm te sjláon in dit Piepke, det ouch dit jaor ‘n fantastisch visitekaertje is vur ôs vereiniging. Gelökkig is det meugelik ömdet, ôndanks de barre financiële tieje, ôs adverteerders en sjponsore ôs neet in de kelt hebbe laote sjtáon. Det weej eur heej vur hiel erkentelik zien, meug dudelik zien. Verder zien weej as vereiniging ouch hiel beniejd wat d’r met ôs Tegels centrum geit gebeure. “Hart voor Tegelen” wilt van ôs áad gemeintehóes ein multifunctioneel centrum make, de Haandert aevel haet wir eige planne beej d’n Doolhof. Ein dink is zeker, kômmend jaor kent geej wir met ôs in de vertrouwde aje Haandertzaal en in ’t Witte Hóes vastelaovend viere wie geej det van ôs gewend ziet. Ich nuëj uch van herte óet öm dao en op angere locaties woë weej ôs treffe, same met ôs ‘t gláas te höffe op ôzze Tegelse vastelaovend. Vastelaovend same! Fred Keijsers, Veurzitter 3

[close]

p. 6

‘t Piepke 4

[close]

p. 7

‘t Piepke Ich weit ‘t, geej heb ’t net al gelaeze in ’t wäordje van ôzze veurzitter, maar ouch ich ken d’r neet ömhaer. Vur mich wáas ‘t, same met ’t óetkômme van ôs niej Trio, ein van de momentopnames van Vastelaovend 2009 die vas en zeker nag toet in lingte van jaore op mien hel sjiéf zulle bliéve plekke. Alle häorkes, inclusief die paar op miene kop, ginge rechop sjtáon wie de Duvelkes van kingeropvang ’t Vlaegelke op ’t groëte podium kwame en door presentator Teddo Peulen nao de ‘catwalk’ woorte begeleid. Verlaege keke ze nao de minsemassa die vur eur sjting te klappe en te kake. Dao kômme de träonkes, dôch ich iërs. Maar nae huër, obbens kwaam d’r bewaeging in. D’n eine keek d’n angere aan, ’t sjtrakke muulke verdween en efkes later sjprônge ze met ‘ne breie lach op ’t gezich euver de buun. Net wie eur groëte veurbeeld, d’n echte Lucifer, toen nag Twan Martens. Euver kiepevél-momente gesjpraoke! Det wáas d’r ein öm in te liéste! En det wáas ouch wat we vur ouge hadde wie we ’n paar maond iërder aan de sjláag ginge met ’t idee öm ein jeugprinsetreffe te organi- sere. Al hadde we netuurlik neet dörve druime det de opkôms en ‘t enthousiasme zoë groët, zoë euverwel- digend zôl zien! Det ’t jeugprinsetreffe dit jaor ’n ver- volg krieg, zal idderein dae d’r beej is gewaes as meziek in de oëre klinke. À propos meziek: ouch de Eur opvolgers zitte alwir ’n paar maond op heite kaole res van d’n aovend ‘klônk wie ’n klökske’, öm met ’t en zien, op ’n paar puntjes op de i nao, klaor öm de motto van ’t niej seizoen te sjpraeke. De joekskepèlle mach euver te nimme. Op 24 januari geit vur eur ‘nen van Tegele, Sjteyl en de Hei ware wir in topvorm en druim in vervulling. Want dit is al jaorelang eure zörgde vur ’n sjtumming die ich allein maar ken öm- grôtste wins. Zelde heb ich in de veurbereiding ’n Trio sjriéve as ‘pure vastelaovend’. Vur ôs is d’r den ouch meigemak det zoë gruëts is öm de Beerpiëp met die gen raeje öm aan de formule van ’t Veurpreuversbál te dolle daag veur te meuge gáon! Gruëts zien ouch de gáon sjleutele: det sjteit zoë vas as ’t Witte Hóes!! twië minse die dit jaor de Pannekletser kriége. Wie ge- louterd zeej ôngertösse ouch zien, Thei en Marij ving- Wat ich ouch neet sjnel zal vergaete, is dae sjoënen en ‘t ’n bezôngere iër öm dees ôngersjei-ing in tiéd dae weej met ôs Trio hebbe belaef. Ich had vuraaf ontvangs te meuge nimme. Vur-al ömdet weej dit tei- netuurlik hoëge verwachtinge van dees dreej doorge- ken van waardering names de ganse Tegelse gemeins- winterde vastelaovesvierders. Maar det zeej op zôn jap aan eur óetreike. Iëre wae iëre toekump! Ich haop groëtse wiés ginge óetpakke, nae. Wie vuël enthousi- daoröm det gans Tegele euver dreej waeke óet löp öm asme kense as Trio überhaup los make? Euveral woë same met ôs de kroën te zette op ‘t 2x11-jäorig ar- weej kwame – en gluif mich, d’r is gen buun die neet tiestejubileum van dees twië ônvolpreze ambassa- greun en wit kleurde! – wáas ‘t ‘veni-vidi-vici’. In ‘ne deurs van ’t Tegels liedje. mum van tiéd hadde zeej iddere zaal of tent en idder kefee aan eur veut. As vors, en dao bön ich hiel iërlik Toet besjlóet wil ich ôs zittinge nag ens van herte beej in, vulde ich mich de keuning te riék öm det allemaol uch aanbevaele. In dit Piepke kent geej laeze det ôs van zoë doënbeej mei te meuge make. Mien plaats zittingskemissie wir ’n vurtreffelik affiche haet same- oppe buun, naeve dit supertrio, wáas wörkelik ‘n be- gesjteld. Bliéve zitte is feitelik ônmeugelik met zôn veurrechte positie! Op vastelaovesdinsdig ginge zeej programma en met zoëvuël gezellige minse beejein! öm middernach vur ôs oppe knéen, maar ’t meug du- Want sjtumming make is ’n samesjpel tösse artieste delik zien det ’t respek en de waardering van twië en publiek. De trouwe bezeukers van ôs Prônkzitting kankte kump. Rob, Luuk en Frank: geej heb uch zelf en Maedjeszitting weite wat ich daomet wil zegke. En euvertroffe! det waere d’r idder jaor mier…..alzoë: koup ’n kaertje en ervaar zelf wat weej ônger gezelligheid versjtáon! Ich wins uch eine sjoëne vastelaovend! Marcel van Lier, vors 5

[close]

p. 8

‘t Piepke 6

[close]

p. 9

‘t Piepke Dao môs d’r eine in ’n drökke kefee efkes nao ‘t huuske. Öm te vurkômme det zien vers getap pilske wuërd opgedrônke, lek hae d‘r ein breefke beej. Op det breefke sjteit: "Ich heb d’r in gesjpeejd". As hae truuk kump zúut hae det zien pilske d’r nag sjteit. ‘t Breefke met: "Ich heb d’r in gesjpeejd" lik d’r onnag. Allein haet emes d’r beej gesjreve: "Ich ouch". 7

[close]

p. 10

‘t Piepke 8

[close]

p. 11

‘t Piepke Wae de jeug haet, haet de toekôms. Det wuërd dök gezag, en ouch in de vastelaoveswaereld is det zoë. De debberkes die nôw ‘ne vastelaovesmiddig oppe crèche of in ’t kingerdáagverbliéf meuge belaeve, gáon euver ‘ne gas jaor hosse en sjpringe op ’t Klumpkesbál of ‘t Zjwaegelkesbál, get later gáon ze nao ‘ne vastelaovesaovend vur tieners beej de Sjteyler Soppers, nag get later preuve ze as herfshaan ‘t iërste gláas beer (det toch ech neet zoë lekker sjmak, maar det wuërd aevel neet toegegaeve..), en den obbens sjtáon ze zelf as ‘groëte minse’ vastelaovend te viere. De kinger van nôw zien de vastelaovesvierders van sjtrakkes. Maar allein as weej eur de leefde vur dees sjoëne volkstraditie van kleinsaaf met de paplaepel ingaeve. Ouch de Beerpiëp wil dao gaer ’n sjteinke aan beejdrage. Met niej initiatieve, zoëwie ’t Jeugprinsetreffe det vurrig jaor vur ’t iërs woort gehaje in ’t Witte Hóes. En door extra aandach te gaeve aan de jeugvastelaovend in Tegele, Sjteyl en oppe Hei, ’t thema van dees 27ste óetgaaf van ’t Piepke. Daonaevebeej zette weej ‘t in Limburg waereldberoemde zangduo Thei en Marij prominent in de sjiénwerpers. Aan dees ambassadeurs van ôs sjoën Tegele wuërd op 24 januari de 30ste Pannekletser óetgereik. In ’t sjtök van Piet van Bree liërt geej eur ens van ‘nen angere kank kenne.De veurgenger van Thei en Marij, ôzze eige áad-veurzitter Twan Driessen, kiek truuk nao d’n dáag woë op hae vurrig jaor de hoëgste ôngersjei-ing van zien eige vereiniging in ôntvangs meugde nimme Ouch ôs Trio kiek nag eine kier öm. En vur-óet, same met de jubileumkemissie, woëbeej zeej zich hebbe aangesjlaote. Want in 2011 besjteit de Beerpiëp 44 jaor! Metpersant kômt geej alles te weite euver ôs activi teite in vastelaovespaviljoen ’t Witte Hóes, ’t Veurpreuversbál met later oppe middig ‘t Jeugprinsetreffe op de vriedig vur vastelaovend, en ’t ouch dit jaor ôngetwiéfeld ajerwets gezellige Coëba Cabana op vastelaoveszaoterdig in de tent beej ôs residentie oppe Keuningsjtraot. De epicentra van de vastelaovend in hertje Tegele! Want gluif maar, det dao met die dolle daag wir de grônk geit sjödde. Det wuërd minstes 11 oppe Sjaol van Richter! Det en nag vul mier kent geej laeze in dees vastelaoveskrant, die wir in gans Tegele, Sjteyl en oppe Hei vur niks in de brevembös of op ‘t deurmetje velt. Names vastelaovesgezelsjap De Beerpiëp winse weej uch vuël laesplezeer! En netuurlik ’n gelökkig en gezônk 2010. De redactie 9

[close]

p. 12

‘t Piepke Draag geej de Beerpiëp ’n werm hert toe en heb geej interesse öm uch beej ôs greun-witte femielie aan te sjlóete, zônger drek toet de Raod van Elf toe te traeje, ’n möts oppe kiëbes te zette en ’n zjwart pak aan te trekke? Det ken, want vanaaf 11 november 2008 kent de Beerpiëp ouch sympathiserende leje. Op daen iërsten dáag van ’t vastelaovesjaor is ’t Cambrinusgilde opgerich vur minse die sympathie koestere vur de Beerpiëp. In ’t aafgeloupe seizoen hebbe zich al 40 leje aangemeld Wae lid wuërd van ’t Cambrinusgilde, wuërd vur ‘n ‘sympathieke’ beejdrage van 30 euro per jaor opge- naome in ôs Beerpiëpfemielie, zônger det dit mier ver- plichtinge met zich mei bringk. Intaegendeil: leje van ’t Cambrinusgilde hebbe bóete de jaorlikse contributie allein maar (veur)rechte! Oppe iërste plaats kriége zeej de Beerpiëp-vereinigingssjpeld, as teiken van ver- bôngenheid met ôs gezelsjap. Daonaevebeej kriegse as lid van ’t Cambrinusgilde korting op entreekaertjes vur de Prônk- of Maedjeszitting van de Beerpiëp, en kense ouch taenge ‘ne gereduceerde priés zôn sjoën Beerpiëpvlag koupe. Die onnag, zônger extra koste, wuërd opgehange door ôs vlagkebrigade! Liek uch det waal get, of ziet geej niejsjierig gewaore en wilt geej gaer mier weite euver ’t lidmaatsjap van ’t Cambrinusgilde? Sjpraek ôs den in de kômmende waeke of met die dolle daag gerös ens aan. Of sjteur gans vreejbliévend ‘nen e-mail nao: Ouch waere dees vrinde van de Beerpiëp idder jaor of- cambrinusgilde@debeerpiep.com ficieel óetgenuujd vur de traditionele niejaorsborrel, woëbeej drek nao de fiësdaag ’t niej Piepke wuërd gepresenteerd. Det zeej d’r beej zien wuërd bezônger op priés gesjteld. Tegeliék met de óetnuëjing daoveur kriége zeej ouch ’n euverzich van ôs vastelaovesprogramma. Euveriges löp ’t Cambrinusjaor geliék met ’t vastelaovesseizoen. Wae in de kômmende waeke lid wuërd van dit sympathieke gilde, betaalt alzoë pas contributie vur ’t seizoen 2010-2011 en ken den ouch gebróek make van alle rechte die aan ’t lidmaatsjap verbônge Binnen ’t Cambrinusgilde kense alle kankte op! Vur d’n zien. eine is ‘t ’n aantrekkelikke meugelikheid öm as dona- teur op ôngedwônge wiés invulling te gaeve aan zien sympathie vur de Beerpiëp, vur d’n angere ken ’t ouch ‘n opsjtepke zien nao ’n actieve functie binnen ôs ge- zelsjap. Met of zônger zjwart pekske aan en ‘n möts oppe kiëbes. 10

[close]

p. 13

‘t Piepke Op ‘ne zomerdáag in augustus wuërse obbens gebeld. Jan Kuntzelaers, de sjakel tösse de Beerpiëp en de veurdrachskemissie van de Pannekletser, aan de angere kank van de lien. Hae wilt mich get vraoge, of ich efkes beej ‘m aan wil kômme. Ken det neet telefonisch?, vraog ich. Of meug Doortje ’t neet huëre? Nae, kôm maar heej haer, zaet hae allein. Good en waal binne kriég ich de vraog al veurgelag. De Pannekletser, is det get vur dich? Ich veel zoëget van miene sjtóol. Ich? Waoröm ich? Det zeuk ich nôw net gaar neet. Dink d’r iërs ens euver nao, antwaorde Jan. Det heb ich gedáon. Nao ’n paar daag wáas ich d’r óet. Good, zag ich taenge Jan, as de kemissie ment det det môt, zek ich jao. Maar neet te vuël trala, dao môt ich niks van hebbe. Den begint ’t allemaol te rolle. De Beerpiëp, woë ich zoë gruëts op bön, krieg ‘ne Pannekletser óet eige geledere! Laot maar kômme, we zéen waal wat ’t wuërd. Minse leef, wat wáas det ein fiës! Dae zôndáag 1 februari 2009 zal ich neet sjnel vergaete. De óetreiking en daonao ‘n receptie woëse de vingers beej aafleks. Wat ’n minsemassa dao in de Haandert, en al die toesjpraoke van ôzze Vors en angere minse die dich kômme bedanke en felicitere met dees hoëge ôngersjei-ing. Wat eine heerlikken dáag! Beerpiëp en alle bezeukers van die euverdônderende receptie: van herte bedank! Dank ouch vur alle gesjreve en gebelde reacties en felicitaties, enorm! Danke-danke-danke! Ich wins mien opvolgers Thei en Marij net zôn fiës. Names vrouw en kinger (haha) nag ens: van herte bedank! Pannekletser 2009 Twan van Crisje d’m Bekker (Driessen) 11

[close]

p. 14

‘t Piepke 12

[close]

p. 15

‘t Piepke 13

[close]

Comments

no comments yet