Piepke 35

 
no ad

Embed or link this publication

Description

Piepke 35

Popular Pages


p. 1



[close]

p. 2

‘t Piepke 2

[close]

p. 3

3

[close]

p. 4

‘t Piepke 4

[close]

p. 5

Wat ‘nne kwats. ‘t Piepke Mèt dank aan de leje van VG de Beerpiëp öm mich as veurzitter vur 3 jaar te herkeze begin ich dit jaor mien veurwaord vur dit 35e Piepke. Zoeë as gezag vong op woensdig 11 oktoëber van afgeloupe jaor ós jaorvergadering plaats waor neet allein ich herkaoze woort as veurzitter maar ouch Frank Wijnands kreeg de sjtumme van de leje öm Edwin Aarts op te volge as nieje penningmeister. Heej zien weej as vereiniging hiel bliej mèt. Aangezeen ’n functie as penningmeister nimmer te vergelieke is mèt jaore geleje. Me mót ‘t gaon zeen as ein klein bedrief en den mós se gelök hebbe as se zoeë emes in dien eige vereiniging haes, Frank Wijnands dus. Edwin Aarts wil ich vanaaf dees plek danke vur de afgeloupe jaore in zien rol van penningmeister, Edwin blief de Beerpiëp trouw en zal as raodslid verder ziene waeg gaon vervolge. In 2017 hebbe weej nag diverse activiteite gehad waorónger ut Apres Ski/Oktoberfest det weej al jaore same mèt de Boereraod organisere. Dit jaor, in ‘n niej jeske, waas ‘t ‘ne hiel gezelligen aovend, dae zeker ein vervolg geit kriege in 2018. Jaomer genog is d’r ouch ‘n evenement kómme te vervalle en waal ‘t Tegels liedjesmatinee. Door te weinig inzendinge is d’r besjlaote öm ‘t matinee neet door te laote gaon. In ‘t kómmende jaor gaon we mèt ‘t STV bekieke wie ‘t liedjesmatinee weer truuk oppe kalender kèn kómme, want weej vinge det dit beej Tegelen huurt. Ein activiteit die weej as Beerpiëp, mèt pien in ós hert, hebbe mótte sjrappe is de Maedjeszitting. Nao de prónkzitting, 4 jaor geleje, is dit jaor ouch ‘t dook gevalle vur dees zitting. Weej hebbe dees zitting de letste 4 jaor nag ein kans gegaeve, maar de animo woort sjteeds minder en de koste sjteeds mier, daoröm dees besjlissing. Ich sjpraek oet ervaring öm te zegge det weej dit zieër betreure, maar financieel was ‘t gewoën nimmer haolbaar en den mós se as vereiniging de sjpraekwaordelike knoup doorhakke. Op d’n 11e van de 11e hebbe we beej Coëba ózze Pannekletser Theo Thurlings aan de laeje bekend gemak. Ouch dit jaor haet de commissie wir ‘n vurtreffelikke keus gemak. Verder in dit Piepke kent geej alles laeze euver wat deze laureaat allemaal haet gedaon en duit vur de Tegelse gemensjap. Verder hebbe weej, ónger de vlag van de STV, ‘t nieje seizoen ingesjaote op ‘t Oelesplein. Niej waas dit jaor det we aansjloetend naor Cafe Sintermerte ginge öm daor ‘ne gezelligen aovend mei te make mèt ‘n keur van artieste. Op ós interne äöpening van zaoterdig 18 november woorte Jan Kuntzelaers, (4x11), Theo Schmitz, (2x11) en ich zelf, (2x11) as jubilarisse gehöldig door ‘t BCL en later door ózze vors Cambrinus names de Beerpiëp. Verder in dit Piepke kent ge alles laeze euver dees jubilarisse. Jan Kuntzelaers is met persent beneump toet ieërelid mèt zien 44 jäörig lidmaatsjap. Deze man is vur de Beerpiëp gold waerd en daorveur zeker ‘n terechte óngersjeiing. Op deze aovond woorte d’r leefs 8 nieje jeugleje geïnsjtalleerd, zoeë zuus se maar, wae de jeug haet…….. De 6 aspirant raodsleje binne ós vereiniging die aafgeloupe jaor hebbe ronk gekeke hebbe eur plek gevonge en zien toet volwaardig raodslid óngersjeie. Ich ken ouch melde det Stephan Koelen, ózze hoeëgheid van aafgeloupe jaer en ziene adjudant Paul van Asselt d’r gen genóg van kriege en ouch zeej hebbe zich beej ós vereiniging as aspirant raodslid laote óngersjeie. Dean Vos is óngersjeie toet aspirant raodslid en Stan Trossel kump vanoet de jeug euver naor ós raod van 11. En den 2018. We sjtaon ‘n waek vur d’n aaftrap van ‘t nieje seizoen. Ós trio sjteit te trappele öm zich op zaoterdig 13 januari op ‘t Cambrinusbal veur te sjtelle aan Tegele. Vuraafgaond aan ‘t Cambrinusbal zal de Pannekletser waere oetgereik aan Theo Thurlings. Gaer wil ich uch ouch nuueje vur al ós euverige activiteite zoeë as de recepties van ós trio’s, ‘t prinsenmatinee van de Beerpiëpjeug, de senioremiddaag mèt aansjloeitend ‘t Groeët Jeugprinsentreffe en Veurpreuversbal in ‘t Witte Hoës op ‘vastelaovesvrijdig’ en ‘t Spätsjoppe op vastelaoveszondig in ós residentie beej Coeba. Ich wil gaer aafsjloete mèt ‘n dankwaord aan alle sjponsore die ós hebbe gesjteund, ónger mieër mèt ‘n advertentie in dit 35e Piepke. Toet besjloet, names de redactie, wins ich uch vuuel laesplezeer en eine sjoeëne vastelaovend. Vastelaovend same, Leon van Deur, veurzitter 5

[close]

p. 6

‘t Piepke Op zoek naar een nieuwe baan? Neem contact met ons op! Detacheren | Werving en Selectie | Uitzenden | Payrolling www.cabooterpeople.nl Horsterweg 221 | 5928ND Venlo | Tel: 077-7600096 6

[close]

p. 7

‘Ich doot ’t neet allein’ ‘t Piepke Beste vastelaovesvierders, Vastelaovend 2017 lik inmiddels al ‘ne hielen tied achter ós. D’n ieërste vastelaovend in mien nieje rol binne vastelaoves gezelsjap de Beerpiëp. Ich heb ‘n geweldig seizoen mètgemak, te beginne mèt de oettreiking van de 37ste Pannekletser aan d’n hieër Toïne Ambaum, gevolg door ut oetrope van ózze 50ste hoeëgheid mèt zien adjudante, die oet ‘t daak van ‘t Tegels gemeintehoes te vursjien kwame in einem bomvolle theaterzaal van d’n Haandert. Ich dörf waal te zegge det ich det moment ontzettend sjpannend vong. Geit alles waal good? Zal ich niks vergaete? Dit ömdet we al inkele maonde bezig ware mèt de veurbereidinge daor van. Aevel bliek op zó’n moment dets se d’r absoluut neet allein veur sjteis, maar door alle leje en commissies binne ós eige vereiniging wuurs óngersjteund en geholpe. De verdere hoeëgtepunte vur mich zelf van vurrig seizoen ware de vriedig in ‘t Witte Hoes, det begint mèt de seniorezitting, aansjloetend ’t jeugdprinsetreffe, waorbeej alle hoeëghede van, onger angere,kingerdaagverblieve, basissjoeële en sjportvereiniginge eur eige moment kriege op de buhne in ‘t bomvolle Witte Hoes. Fantastisch is ‘t öm det te zeen, wie ‘t enthousiasme en ‘t plezeer d’r van alle kankte aafsjtraolt. Det is nag ens heerlik puur. Aansjloetend vong ‘t Veurpreuversbal plaats, mèt dit jaor ein sjpeciaal tintje vanwaege 200 jaor Tegele beej Nederland, met optraejes van Soundexpress en Thei & Marij. ‘T Witte Hoes barsde letterlik en figuurlik oet zien voge. Dit guuef toch maar ens aan det ’t fieës, wat ós as vastelaovesgekke in ‘t hert zit, nag sjteeds bleujende is in Tegele. Maar det wilt neet zegge det we op ós lauwere meuge röste. Ut is en blief ‘n fieës gebaseerd op aje tradities, dit mót in de basis ouch vural zoeë blieve. Aevel kene weej ouch nieje tradfities ontploeie en ömerme. Dit weersjpegelt zich netuurlik ouch op ós nag sjteeds greujende vereiniging. Ouch dit jaor meuge we wir inkele nieje raodsleje welkom heite, waorónger ouch ózze hoeëgheid Stephan I, en adjudant Paul van ‘t trio van 2017. Dit guuef ens te mieër aan det de Beerpiëp veult as ‘n werm bad, wat ouch letterlik beneump woort door de trio’s van de aafgeloupe jaore. Det is mesjien waal ‘t groeëtste compliment dets se kens kriege as vereiniging. Nao zó’n ieërste seizoen as Vors kóm ich d’r pas ech achter wievuuel werk d’r door de leje verzet wuurt binne al ós commissies. Vur de boetewaereld liek ‘t altied as of ‘t allemaol vanzelfsjpraekend is det alles idder jaor wir geregeld is. Te dinke aan bevurbeeld det de bühne klaor sjteit, d’n optochwage in gereidheid sjteit, artieste geregeld zien, verveur geregeld is, maar ouch det ‘t Piepke vandaag wir door uch brevebös velt. D’r is heej achter de sjerme ontzettend vuuel werk vur nuëdig. Daorveur wil ich mien waardering oetsjpraeke vur alle leje die heej keihel eur bès vur doon, öm alles, idder seizoen wir opniej, tip top in orde te hebbe. Taeves wil ich ouch mienen dank oetsjpraeke aan alle persoeëne die mich óngersjteund hebbe in ‘t ieërste jaor as Vors, maar ouch netuurlik miene veurgenger, aad Vors, Cambrinus V, Marcel van Lier, dae mich mèt raod en daad haet geholpe öm aafgeloupe seizoen toet ein succes te make, Bedank! Onget tösse sjteit ózze 51ste hoeëgheid mèt zien adjudante te wachte öm zich op ‘t 4de Cambrinusbal aan uch te meuge prizzentere. Ich haop uch den te meuge begroete in de theaterzaal van de Haandert. Vastelaovend same! Bart Schouwenberg, Vors Cambrinus VI 7

[close]

p. 8

‘t Piepke 8

[close]

p. 9

Weej greuje en bleuje ‘t Piepke Aafgeloupe seizoen waas d’r wir ein öm gruuets op te zien as jeugvors. Weej hebbe genaote van de vastelaovend. Aan ‘t trio van 2017 zit nag ein verhäolke vas. In ‘t allerieërste seizoen van ós as Beerpiëpjeug woorte weej genuuejd öm beej de femilie Gommans ‘n pilske te drinke en ’n sjtökske vlaai d’r beej. Dit vanwaege jäörige Roel. Zien groeëte broor Marco had altied al bewongering vur ós en zienen druim waas den ouch öm ens Beerpiëp jeugprins te waere. We hebbe Marco toen dus op ós prinsekandidate-lieske gezatte. In Augustus 2016 ginge we wir op bezeuk, maar nów mèt de vraog aan Marco of hae ózze prins wól waere. Volmondig zei hae jao. Hae waas super enthousias. En as we ‘t den toch euver enthousiasme hebbe, dink ich geliek aan Pieter, de pap van Marco. Deze waas zeker zoeë enthousias as de kandidaat zelf en waas al van alles en nag get aan ‘t regele öm dit seizoen fantastisch te make vur ‘t jeugtrio. Marco had netuurlik waal nag twieë adjudante nudig. Al flot ware deees gevónge, zien twieë beste kammeräöj: Eric Biemans en Kyle Driessen. Mèt dit trio hebbe weej eine ongeluifelik sjoeënen tied gehad. Mèt name de veurbereiding en ’t oetkómme. Weej zien vur eur prizzentatie naor Zjwame gegaon vur de raojfoto’s en ‘n geweldig filmke te make. We hebbe gerace in karts, dit gans in ’t kader van eur motto en euren held Max Verstappen. Ziene pap haet ouch de toen gemakde beloftes ingelos, wat de Beerpiëpjeug ein paar sjoeën oetsjtepkes en momente haet bezörg mèt ónger angere ein darttoernooi en netuurlik de nudige fieësjes achteraaf. Aafgeloupe jaor hebbe weej eine ganse rits nieje leje beej de Beerpiëpjeug meuge welkom heite. Maar leefs ach nieje jónges hebbe zich beej ózze raod aangesjlaote. Naeve ’t trio Marco, Eric en Kyle, hebbe weej Swen Polmans, Didier van Asselt, Sem van der Linde, Glen van Heel en Vince Coolen meuge insjtallere as roadslid. Vol energie en enthousiasme gaon zeej ’t kómmende seizoen mèt ós knalle. Ich bön as jeugvors netuurlik hertstikke bliej mèt zoeëvuuel jonge aanwas, zeker ömdet d’r euver ’n jaor inkele jónges van ’t ieërste oor d’n euversjtap gaon make naor de groeëte raod. Ich bön d’r zelf eine van, wat in helt det we dus aan al aan ’t ronkneuze zien vur eine gesjikde kandidaat dae mich ken opvolge as jeugvors. Ózze chef du protocol, mien eige broor Stan Trossel, geit dit jaor al d’n euversjtap make. Stan is in ’t jaor 2012, nao det ich in ’t allerieërste trio zoot, beej de Beerpiëpjeug gekómme. Hae haet de aafgeloupe jaore vuuel vur ós beteikent en sjtructuur weite te bringe in zien functie als chef du P. Beej mien weite is ’t in de gesjiedenis van de Beerpiëp nag noeëts ierder veurgekómme det twieë breurs allebei ’n ceremoniele functie hadde beej ós vereiniging. We zulle ‘m gaon misse beej de jeug, maar zienen opvolger, Sem Smulders, zal dit gemis zeker ein sjtök verlichte. Vur dit jaor sjteit ouch alwir ’n te gek trio te popele öm op 21 Januari oet te kómme in d’n Haandert. Weej haope det geej, wie idder jaor, wir in groeëte getale komp kieke wae ós trio van 2018 wuuert. De waek d’r op, 28 Januari, heite weej uch netuurlik gaer van herte welkom op de receptie van ós nieje trio öm eur ein hendje te gaeve en te fillicitere. De tieje vur dees evenemente vink geej verderop in dit Piepke. Zelf heb ich d’r wir óntzetend vuuel zin in öm mich mèt eine groeëte groep van Beerpiëpjeug wir good te laote zeen in Tegele. Ich wil den ouch aafsjloete mèt ein gemeind: Vastelaoven same! Frank Trossèl Jeugvors Vg. De Beerpiëp 9

[close]

p. 10

‘t Piepke Polonaise. AutoArena wenst u een feestelijke carnaval! Carnavalsmaandag en -dinsdag zijn wij gesloten. AutoArena Celsiusweg 5, Venlo. Telefoon 077 - 320 30 40 Keizersveld 85, Venray. Tel. 0478 - 55 13 00 J.F. Kennedylaan 20, Panningen. Tel. 077 - 306 06 66 Handelstraat 9, Boxmeer. Tel. 0485 - 52 16 40 10 www.autoarena.nl

[close]

p. 11

"Sjmoesje" ‘t Piepke Wie Jan Kuntzelaers mich op 'ne zaoterdig telefonisch vroog of ich de teks van 'n vastelaovesliedje wól naokieke, had ich gèn idee det det 'n sjmoesje waas öm beej mich thoes aan te kómme. Wat bleek nów, me had mich mèt rume mieërderheid veurgedrage vur de óngersjei-ing Pannekletser 2017. De sjnaps det ich efkes mèt de mónk vaol teng sjtóng. De Pannekletser vur mich? De raeje waas det ich al zoeë lang zoeë vuuel vur 't Tegels dialek heb gedaon en nag doon. Weej heufde verder niks te doon, de Beerpiëp regelde alles. Allein efkes zjwiege euver de nominatie. Det hebbe mien vrouw en ich ouch gedaon. Allein ós kinger hebbe we 't inkele waeke van te veure vertèld. Die ware enthousias. Wie 't bekènd waas, woorte weej veurgesjtèld aan 't Beerpiëpgezelsjap. Wie ze det aanpakde euverdónderde ós. Det goof vertroewe in wat nag kómme mós. 28 jannewari waas d'n daag van de oetreiking. Weej woorte thoes aafgehaold en nao d'n Haandert gebrach. Weej hadde maar ein ings: as d'r maar get minse zien en gènne laege zaal. Ónger begeleiding van de Joekskepel ginge we de zaal in en dae waas vaol mèt allemaol vrinde en bekènde. Det deej ós good. Weej nome plaats op de buun en woorte duchtig in 't zunke gezatte. Nao alle sjoeën wäörd begós de receptie. Wat leuk det d'r zoeëvuuel minse op de receptie ware. Wie de receptie aafgeloupe waas, zien we nag gebleve wies det de prins van de Beerpiëp oetgerope woort. Muug en deep ónger d'n indrök zien we nao hoes gegaon. D'n daag later woorte alle kado's door de Beerpiëp thoes aafgegaeve. Alles beejein 'nen ónvergaeteliken daag. Weej zien den ouch de Beerpiëp zieër dankbaar vur de ganse gang van zake. Idderein dae dao waas in de zaal wille weej bedanke vur de sjoeën wäörd en kado's. Prachtig det ós Tegels dialek zoeë in 't middelpunt haet gesjtaon en hieël gruuets det ich De Pannekletser 2017 heb mage kriege. Truukkiekend is deze Pannekletser 'n extra sjtimulans öm door te blieve gaon mèt 't oetdrage van 't Tegels dialek. Pannekletser 2017 Toïne Ambaum 11

[close]

p. 12

‘t Piepke Pannekletser 2018 vur Theo Thurlings Auch vur de 38e Pannekletser-ôngersjeiding, die op zaoterdig 13 jannewari 2018 zal waere oëtgereik, haet de veudrags-kemissie, eemes veurgedrage, dae naeve zien gezinslaeve en zien drökke dagelikse werk, kans haet gezeen öm in allerhande funksies deensbaar te zien vur de Tegelse gemeinsjap. En dét in ein lange reeks van jaore! De keuze is gevalle op Theo Thurlings (56), zoon van de vruúgere Boerevader Hay Thurlings z.g. en Nelly Thurlings-Stoffels. Gebaore en getaoge in de St. Jozefparochie, maar taegewaordig woënend ”op” Sjteyl. Theo is al 30 jaor gelökkig getrouwd mèt Liesbeth Vanmaris; same hebbe zeej 2 kinger: zoon Sander, dae verpleegkunde studeert en dochter Loeki, die ein fysiotherapieopleiding volgt. Nao de liëgere sjoël en de Mavo haet Theo gekaoze vur ein MTS-opleiding electro-techniek, gevolgd door de HTS, woé hae as specializasie Telecommunicatie haetgestudeerd. Mèt die kènnis is Theo gaon wèrke beej Philips. Dae naam is later verangerd in NXP, en wuúrt nôw Qualcomm. Dao is Theo chip-ontwerper. In de periode 1975-1990 sjpulde Theo mei-j beej de Passie-sjpeule. Iërs as soldaot, dao-nao as apostel en ”de goede moordenaar”. In 1985 ging Theo in Militaire Deens; neet as ’nne ”gewoëne” soldaot, maar as muzikant beej ’t Trompetterkorps Artillerie. As klein jungske hat hae al träöte geliërd en vanaaf zien 12e jaor makde hae deil oët van Hermenie ”Eendracht”. Nao ziene deens-tiëd is hae wies 1991 lid gewaes van de Keuningklikke Hermenie Caecilia. In 1977 goof zien vader Hay d’n aanzèt vur de oprichting van de Boerejoekskapel en dao ging Theo natúurlik beej! Wiés 2003 is hae as virtuoos op zien Bariton in die kapel gesjpuld. Vanaaf 1991 wies 2003 waas hae auch nag besjteurslid van de Boereraod. In 1991 waas Theo adjudant beej Oeles-Prins Wim Peters. Neet allein muziek, maar auch Sjport haet Theo altiëd bezig gehaaje. Vanaaf zien 8e jaor al lid van AVT; later specialís met kogel en discus. Auch in allerhande kemissies en zelfs as coach aktief. In de 70-er jaore nag ’n paar jaor gehandbald beej ”Explosion”, maar aan AVT bewaart ôzze laureaat toch de bèste herinnering: Beej eine barbeque in 1983 is namelik de romance tösse atlete Liesbeth en atleet Theo pas éch begôs….! 12

[close]

p. 13

‘t Piepke Maar Theo haet nag miër kwaliteite: Hae bleek auch nag hiël good te kènne ömgaon mèt cijfers, die betrèkking hadde en hebbe op gölde’s en euro’s. Eine gebaore penningmeister dus! Die funksie haet hae vervuld vur ein ganse serie vereiniginge, komissies, organizasies, stichtingen enz. beej bepaolde evenemente of aksies, vur korte of langere periodes. De Boereraod, Spcl. Irene, TSC'04, De Kaetelaers, D’n Oeles, De Bond van Carnavalsverenigingen Limburg, en versjillende Tegelse en Steylerse Stichtinge en Kommissies kènne dao euver mei-j sjpraeke. Momenteel is Theo nag penningmeister van ’t Kerkbestuur van Tegele, Steyl en Belfeld, ’t Victorfonds, Stichting Behoud Monumenten Steyl, Stichting Kruisen en Kapellen, en kaok-club CCPL-d4 (Cuisine Cultivée Populaire de Limbourg). Sinds november 2012 is Theo besjermhiër van de Steyler Kaetelaers. Ein taak, die veural gerich is op ’t gaeve van advies, coördinatie e.d. In april 2015 is hae beneump toet Lid in de Orde van Oranje-Nassau. Same-vattend: Theo haet zien kwaliteite al jaore langk besjíkbaar gesjteld aan de Tegelse gemeinsjap en wiëd dao-boëte en duit det wiés op d’n daag van vandaag nag sjteeds! Dao-mei-j haet hae groëte verdeenste geleverd. En dét is de Pannekletserôngersjeiding waerd! Theo, Proficiat ! PvB Programma 2018 13 januari 21 januari 28 januari 9 februari 11 februari Oetreiking Pannekletser Cambrinus bal Jeug Prinse Matinee Beerpiëp Jeug Prinse receptie Beerpiëp Prinse receptie Seniore Zitting Tegels Jeug Prinse Treffe Veurpreuversbal Spätsjoppe 13

[close]

p. 14

‘t Piepke 14

[close]

p. 15

Gezelligheid pur sang Zoeë maag ‘t derde Cambrinusbal ömsjreve waere. De Technische Deens van de Beerpiëp had wir alles oet de kas gehaold öm de kleine zaal van d’n Haandert öm te tovere in ein vastelaoves paradies. De drökte tiedes de oetreiking van de Pannekletser (Dhr. Toine Ambaum) vursjpelde ‘ne gezellige aovend. Ronk 21:00 oor waas ‘t tied vur ‘t hoeëgtepunt van d’n aovend. Ózze nieje Vors Cambrinus VI (Bart Schouwenberg) moch vur d’n ieërste kieër ‘t Beerpiëp trio bekend make. Zónger al te vuuel hobbels, woort ut 50ste Beerpiëp trio (Prins Stephan met zijn adjudanten Chris en Paul) oetgerope en kós ‘t fieës ech losbarste. Mèt de muzikale óngersjteuning van Pats, 2x2, Joekskapel Pettatte Nelke en DJ Jeroen, zoot de sjfeer d’r al flot in. Dansende minsen mèt een natje in de hank, angere hel mèt zingend met de aje en nieje vasteloaveskrakers. Wies in de late äörkes woort d’r gefieës door jongk en aad. Persuunlik kiek ich al oet naor ‘t veerde Cambrinusbal, det plaats vingk op zaoterdig 13 januari. Ouch dit jaor zal de gezelligheid, zoeë as de oetreiking van de Pannekletser en ‘t oetrope van ‘t 51ste Beerpiëp trio, veurop sjtaon. En zeker neet onbelangriek, wie altied is d’n entree gratis. ‘t Piepke 15

[close]

Comments

no comments yet